Suedia mbron zyrtaret që veshën hixhab në Iran

15:49 | 13 Shkurt 2017
Arbresh.info

Qeveria e suedise la mbrojtur vendimin që zyrtaret e saj të veshin hixhab në vizitën e tyre në Iran, duke thënë se po të vepronin në të kundërtën do të thyenin ligjin e shtetit.

Ministrja e Tregtisë, Ann Linde, udhëhoqi një ekip biznesi javën e kaluar i cili u përball me kritika të shumta sepse kishin mbuluar kokën, transmeton arbresh.info.

Kritikat erdhën nga një aktiviste iraniane e të drejtave të gruas e cila tha se nëse ky shtet dëshiron të tregojë që ka qeveri feministe le ta shpreh edhe në vendet tjera dhe luftën ta bëjë edhe për të drejtat e grave të vendeve tjera.

Ndërsa politikanët thanë se qeveria suedeze duhet të kishte kërkuar që anëtarët femra të delegacionit nuk duhet të ishin detyruar që të veshin një shami, dhe se në qoftë se kërkesa nuk ishte përmbushur  marrëveshja e tregtisë duhej të ishte nënshkruar në Suedi apo një vend të tretë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm